Oso garrantzitsua da euskaraz ikasten duten haurrek ahalik eta kontakturik handiena izatea hizkuntzarekin ikasgeletatik kanpo, beren ikaskuntza-prozesua osatzeko. Kirola egiteak horretarako aukera ezin hobea eskaintzen digu, asko ikas dezaketelako gozatzen ari diren bitartean. Hizkuntzaren bizipen ludiko eta atseginak harekin duten atxikimendua eta harremana indartuko ditu, eta horrek hizkuntzaren erabilera areagotzen lagun dezake.